“သာသနာအကျိုးပြု ကထိန် ဖြစ်ပါစေ”
အပိုင်း(၁)
…………………………………...
ကထိန်သင်္ကန်းကို သီတင်းကျွတ်လဆုတ် ၁-ရက် နေ့မှ တန်ဆောင်မုန်းလပြည့်နေ့အထိ တစ်လအတွင်းမှာသာ လှူဒါန်းနိုင်တယ်၊ ဒကာ ဒကာမတွေကလည်း လှူနိုင်ပါတယ်၊ ကိုရင်၊ ဖိုးသူတော်၊ မယ်သီလကလည်း လှူနိုင်တာပါပဲ။
အလှူဝတ္ထုကတော့ ဒုကုဋ်ခေါ်တဲ့ ၂-ထပ်သင်္ကန်းကြီး၊ ဧကသီ၊ ခါးဝတ်သင်းပိုင် ဒီသင်္ကန်းသုံးမျိုးထဲက တမျိုးမျိုးကို ကထိန်သင်္ကန်းအဖြစ်လှူနိုင်ပါတယ်၊ ယခုကာလလို များများစားစားလှူမှရယ်လို့ မဟုတ်ပါဘူး၊ များများစားစားလှူလည်း ကထိန်သင်္ကန်းဟာ တစ်ထည်ပါပဲ။
ကထ်ိန်သင်္ကန်းကို ခံယူနိုင်သူ၊ ကထိန်ခင်းနိုင်သူ ပုဂ္ဂိုလ်ကတော့ ကထိန်ခင်းမည့်ကျောင်းတိုက်မှာ…
-၀ါမထပ်ရင် ၀ါဆိုလဆုတ် ၁-ရက်နေ့မှာ ၀ါကပ်ခဲ့ပြီး၊
-၀ါထပ်ရင် ဒုတိယ၀ါဆိုလဆုတ် ၁-ရက်နေ့မှာ ၀ါကပ်ခဲ့ပြီး၊
-၀ါကျိုးဝါပြတ်မှုမရှိခဲ့ပဲ
-သီတင်းကျွတ်လပြည့်နေ့မှာ ပ၀ါရဏာပြုခဲ့တဲ့ ရဟန်းဖြစ်ရမယ်၊
-၀ါကျိုးဝါပြတ်တဲ့ ရဟန်း၊
-ဒုတိယ၀ါကပ်တဲ့ ရဟန်း၊
-၀ါဆိုဝါကပ်မှု မပြုတဲ့ရဟန်း၊
-အခြားကျောင်းတိုက်မှာ ၀ါကပ်တဲ့ရဟန်း ဒီရဟန်းမျိုးတွေဟာ ကထိန်သင်္ကန်း ခံယူမှုမပြုနိုင်ဘူး၊
*(မှတ်ချက်။ ယနေ့ကာလ ၀ါတွင်းအရုဏ်ဆွမ်းများ လောင်းလှူကြ ခံယူကြရာမှာ အရုဏ်မတက်မီ ကျောင်းမှထွက်ပြီး ဆွမ်းခံတဲ့ရဟန်းတွေဟာ ၀ါကျိုးဝါပြတ်မှုတွေ ဖြစ်သွားတယ်ဆိုတာကို အလေးအနက် သတိပြုဖို့လိုပါတယ်၊ ဒီလိုရဟန်းမျိုးတွေဟာ ကထိန်အာနိသင်မရပါပဲ ကထိန်သင်္ကန်းခံယူမယ်၊ ကထိန်ခင်းမယ်၊ ကထိန်အာနိသင်တွေ ခံစားမယ်ဆိုရင်တော့ အလွန်ကြောက်မက်ဖွယ် အကျိးပေးတွေ ခံစားရနိုင်ပါတယ်၊
ကထ်ိန်အလှူရှင် ဒကာဒကာမတွေမှာလည်း ငွေကုန်သံပြာဖြစ်ပြီး ကထိန်အကျိုးအာနိသင်တွေ မရနိုင်တော့ပါဘူး။)
ဝတ်စရာသင်္ကန်းမရှိတဲ့ ရဟန်းကို သံဃာတော်က ကထိန်သင်္ကန်းကို ပေးရမယ်၊ ဦးစားပေးရွေးချယ်ရမယ်၊ ကထိန်သင်္ကန်းကို ခံယူခွင့်ရှိတဲ့ ရဟန်းတွေဟာ သင်္ကန်းပြည့်စုံသူချည်း ဖြစ်နေရင် ၀ါအကြီးဆုံးမထေရ်ကို ပေးရမယ်။ ပေးတဲ့အခါမှာလည်းပဲ “ရော့ အရှင်ဘုရား၊ ဒီသင်္ကန်းကိုယူပြီး ကထိန်ခင်းပါ” ဆိုပြီး လွယ်လွယ်ပေးရတာမျိုးမဟုတ်ဖူး၊ သိမ်ထဲမှာ (ဉတ္တိဒုတိယကမ္မ၀ါစာ) ဖတ်ပြီး ပေးရမယ်၊ ဒါကြောင့်မို့လဲ ဉတ်သင်္ကန်း လို့ ခေါ်ကြတာပဲ။
ဉတ်သင်္ကန်းကိုရတဲ့ ရဟန်းက ၀ိနည်းဒေသနာတော်အရ ကထိန်ခင်းရမယ်၊ ပြီးတော့ ၀မ်းမြောက်ကျေနပ်ကြောင်း ပြောဆိုကြဖို့ ကျန်ရဟန်းတွေကို တိုက်တွန်းရမယ်၊ ကထိန်သင်္ကန်းမရတဲ့ ကျန်ရဟန်းတော်များကလည်း ၀မ်းမြောက်ကျေနပ်ကြောင်း ပြောဆိုမြွက်ကြားကြရမယ်၊ ဒီအခါ ကထိန်ခင်းတဲ့ရဟန်းရော၊ ၀မ်းမြောက်ကျေနပ်ကြောင်း ပြောဆိုမြွက်ကြားကြတဲ့ ရဟန်းတွေရော အကုန်လုံး ကထိန်ခင်းတဲ့အာနိသင် အကျိုးတရား ၅-ပါး ရရှိကြတယ်။
၁။ အနာမန္တစာရ= ထင်ရှားရှိတဲ့ရဟန်းကို ခွင့်မပန်ပဲ ရပ်ရွာထဲမသွားလာရ၊ သွားလာတဲ့ရဟန်းမှာ အစေလက၀ဂ် စာရိတ္တသိက္ခာပုဒ် အရ ပါစိတ်အာပတ်သင့်တယ်၊ ကထိန်အာနိသင်ရသွားတဲ့အတွက် အဲဒီသိက္ခာပုဒ်တော်အတွက် အာပတ်မသင့်တော့ဘူး။
၂။ အသမာဒါနစာရ= ရဟန်းတော်တွေဟာ အဓိဋ္ဌာန်တင်ထားတဲ့ သင်္ကန်းကို သွားလေရာယူပြီး အရုဏ်တက်ချိန်မှာ မိမိနဲ့မကင်းကွာအောင် နေရတယ်၊ ကင်းနေရင် ဒုတိယကထိန(စီဝရ၀ိပ္ပ၀ါသ) သိက္ခာပုဒ်အရ နိဿဂ္ဂိပါစိတ်အာပတ် သင့်တယ်၊
ကထိန်အာနိသင်ရသွားတဲ့အတွက် အဲဒီလိုမယူပဲ ပေါ့ပေါ့ပါးပါး သွားလာနိုင်တော့တယ်။
၃။ ဂဏဘောဇန= မအပ်တဲ့နည်းနဲ့ ထမင်းစားကြွပါ လို့ ပင့်ရင် ရဟန်း ၄-ပါး အတူခံယူပြီး မစားကောင်းဘူး၊ ဂဏဘောဇနသိက္ခာပုဒ် အရ ပါစိတ်အာပတ်သင့်တယ်၊
ကထိန်အာနိသင်ရသွားတဲ့အတွက် အဲဒီလိုစားပေမယ့် အာပတ်မသင့်တော့ဘူး။
၎။ ယာဝဒတ္ထစီဝရ= ကထိန်အာနိသင်ကို မရရင် သင်္ကန်း(အ၀တ်)ကို အဓိဋ္ဌာန် ၀ိကပ္ပနာမပြုပဲ ၁၀-ရက်လွန်အောင် မထားရဘူး၊ ထားရင် ပထမကထိနသိက္ခာပုဒ် အရ နိဿဂ္ဂိပါစိတ်အာပတ် သင့်တယ်၊
ကထိန်အာနိသင်ရသွားတဲ့အတွက် အဓိဋ္ဌာန် ၀ိကပ္ပနာမပြုပဲ အလိုရှိသလောက်ထားနိုင်တယ်။
၅။ ယော စ တတ္ထ စီဝရုပ္ပါဒေါ၊ သော နေသံ ဘ၀ိဿတိ= ကထိန်ခင်းတဲ့ကျောင်းမှာ ဖြစ်ပေါ်လာသမျှ သံဃိကသင်္ကန်း အ၀တ်အထည်များကို ကထိန်အာနိသင်ရထားတဲ့ အဲဒီကျောင်းရှိ ရဟန်းများကသာ ဝေဖန်ယူနိုင်တယ်၊ အခြားရဟန်းများနဲ့ မဆိုင်တော့ဘူး။
အဲဒီကထိန်အကျိုးတရား ၅-ပါးကို တပေါင်းလပြည့်နေ့ထိအောင် ခံစားခွင့်ရှိတယ်။
အခုခေတ်မှာတော့ ဉတ်သင်္ကန်းရဲ့ အခြံအရံဖြစ်တဲ့ လှူဖွယ်ပစ္စည်းတွေလည်း ပါလာတတ်သေးတယ်၊ အဲဒါတွေကိုစုပေါင်းပြီးတော့ “ဉတ်မကြီး” လို့ခေါ်တယ်၊ အခုတော့ “ညှပ်မကြီး” လို့ ခေါ်သူကများနေတယ်၊
“ဘယ်ပစ္စည်း ဘယ်ဝတ္ထုတွေက ကျောင်းတိုက်သံဃိကပါဘုရား”
“ဘယ်ပစ္စည်း ဘယ်ဝတ္ထုတွေကတော့ ပင့်သံဃာအတွက်ပါဘုရား”
“ဘယ်ပစ္စည်း ဘယ်ဝတ္ထုတွေကတော့ ဉတ်သင်္ကန်းခံယူတဲ့ ပုဂ္ဂိုလ်အတွက်ပါဘုရား” ဒီလို အလှူ့ဒကာက ခွဲခြားပြီးမလျှောက်ထားရင်၊ အဲဒီ ဉတ်မကြီးမှာပါနေတဲ့ ပစ္စည်းအားလုံးဟာ ဉတ်သင်္ကန်းရသူနဲ့သာ ဆိုင်တော့တယ်၊
ဒီတော့… ဒကာတွေက ကိုယ်ရည်မှန်းထားတဲ့အတိုင်း ခွဲခြားလျှောက်ထားကြရမယ်။
အခုနေအခါမှာတော့ သင်္ကန်းရှားသူ မရှိသလောက်ဖြစ်နေတဲ့အတွက် မထေရ်ကြီးကချည်း ဉတ်သင်္ကန်းကို ရနေတတ်တယ်၊ အဲဒီမထေရ်ကြီးက တိုက်ထဲနေ သံဃာတော်တွေနဲ့ ဝေစာမျှစားသူဆိုရင် တော်ပါသေးတယ်၊ ရသမျှပစ္စည်းတွေကို ငါပိုင်ချည်း လုပ်ထားရင် သာသနာတော်အတွက် အမြတ်မထွက်ဖူး၊
ဒါမျိုးတွေကိုလည်းပဲ မင်းတို့ဒကာတွေက သတိထားကြရမယ်။
သာသနာပြုနေကြတဲ့ မင်းတို့ဒကာ ဒကာမတွေဆိုတာ တို့ ဒီလိုထောက်ပံ့လှူဒါန်းလိုက်တဲ့အတွက် ဗုဒ္ဓမြတ်စွာသာသနာတော်မှာ ဘယ်လိုအကျိုးရှိနိုင်တယ်၊
ဘယ်လိုတိုးတက်နိုင်တယ်၊ ဘယ်လိုကြီးပွားနိုင်တယ် ဆိုတာတွေကို အမြဲအာရုံပြု လှူဒါန်းကြရမယ်၊
တို့ ကိုးကွယ်တဲ့ကျောင်းတိုက်အတွက်၊
တို့ ဆရာတော်အတွက် ဆိုတဲ့ အင်မတန် ကျဉ်းမြောင်းသေးသိမ်တဲ့ စိတ်စေတနာမျိုး မထားရဘူး၊
တိုက်တာရေး၊ ပုဂ္ဂိုလ်ရေးထက် သာသနာရေးကို ဦးစားပေးရမယ်၊ ဒါမှလဲ သာသနာပြုရာ ရောက်တော့မပေါ့။
ပြီးတော့ ဒီ ကထိန်သင်္ကန်းဆိုတာက ဆရာတော်တစ်ပါးလောက်၊ ကျောင်းထိုင်ဘုန်းကြီးတစ်ပါးလောက်ကို ရည်စူးပြီး လှူဒါန်းတဲ့သင်္ကန်းမျိုး မဟုတ်ဘူး၊ သံဃာတော်အားလုံးကို ရည်းစူးလှူပါမှ၊
တတ်နိုင်ရင် တစ်သာသနာလုံးကို ရည်စူးလှူဒါန်းပါမှ သံဃိကအစစ်ဖြစ်နိုင်တယ်၊ အဲဒီလို သံဃိကအစစ်ဖြစ်မှလဲပဲ ကထိန်မြောက်နိုင်တယ်။
အခုတော့ ကိုယ်ကြည်ညိုတဲ့ ဆရာတော်၊ ကိုယ်ကြည်ညိုတဲ့ ကျောင်းထိုင်ဘုန်းကြီးလောက်ကို ရည်စူးပြီး ကထ်ိန်သင်္ကန်းဆက်ကပ် လှူဒါန်းနေကြတာက များနေတယ်၊ ဒီတော့ ဒါတွေဟာ သံဃာတော်တွေက ဘယ်လိုလုပ်လုပ် ကထိန်မြောက်ပါဦးမလား?
ကထိန်အလှူ ဖြစ်ပါဦးမလား?
“မဖြစ်နိုင်တော့ပါဘုရား”
အေး… ကထိန်အလှူမဖြစ်နိုင်ရင် ကထိန်ခင်းမှုကို အကြောင်းပြုပြီးရသင့်တဲ့ အကျိုးအာနိသင်များကို သံဃာတော်များလည်း မရနိုင်တော့ဘူး၊ မင်းတို့ ဒကာတွေကလည်း မရနိုင်တော့ဘူးပေါ့၊
နှစ်ဦးနှစ်ဖက်လုံး ဆုံးရှုံးရတော့တယ်။
အဲဒီလိုဆုံးရှုံးရုံတင်မကသေးဘူး၊ သံဃာတော်များက “ကထိန်အာနိသင်ရတယ်” ထင်ပြီး ကထိ်န်အာနိသင်ကြောင့်လွတ်လပ်ခွင့်ရတဲ့ သိက္ခာပုဒ်တွေကို ကျူးလွန်မိရင် အချောင်အာပတ် သင့်နေဦးမယ်၊ ဒီတော့ နားမလည်ပါးမလည်နဲ့ လှူဒန်းတဲ့ ကထိန်အလှူဟာ
“ပေါ့စေလိုလို့ ကြောင်ရုပ်ထိုး၊ ဆေးအတွက်လေး” ဆိုသလို ဖြစ်နေတယ်ဆိုတာ သတိပြုကြရလိမ့်မယ်။
……………………………………………………………
ညွှန်း- “ဗုဒ္ဓအလိုတော်ကျ ကျင့်သုံးနေထိုင်နည်း”
အရှင်ကုမာရ (ပန်းကုံးဆရာတော်)
